Երևանի քաղաքապետ Տիգրան Ավինյանը անդրադարձել է մասնավոր օգտագործման տարածքների ձնամաքրմանը։ Նա հայտնել է, որ Երևանի ավագանու սահմանած պարտադիր կարգի համաձայն՝ մասնավոր տնտեսվարողները պարտավոր են ապահովել իրենց օբյեկտներին հարակից ընդհանուր օգտագործման տարածքների ոչ միայն տեղացած ձյան ամենօրյա մաքրումը, այլև տեղումների դադարից հետո մայթերի ասֆալտբետոնե և սալիկապատ հատվածների ամբողջական մաքրումը ձյան և սառույցի կուտակումներից։