We take care of your anonymity.
We take care of your anonymity.
2016թ. դեկտեմբերի 15-ից Գերմանիայի միջազգային համագործակցության ընկերության ֆինանսական աջակցությամբ Ինֆորմացիոն տեխնոլոգիաների ձեռնարկությունների միությունը, Իրավաբանների հայկական ասոցիացիան և Եվրոպական բիզնես ասոցիացիան իրականացնում են «Փաստերի վրա հիմնված բարեփոխումների ջատագովություն» ծրագիրը: Ծրագրի հիմնական նպատակն է մեծացնել գործարար անդամակցության վրա հիմնված կազմակերպություններիև բիզնես ասոցիացիաների ազդեցությունը՝ ՓՄՁ ոլորտի բարեփոխումները խթանելու համար:
Ծրագրի շրջանակներում Իրավաբանների հայկական ասոցիացիան ՓՄՁ-ներին մատուցում է անվճար իրավաբանական խորհրդատվություն Երևանում, Գավառում, Գյումրիում Կապանում և Վանաձորում: Խորհրդատվությունը մատուցվելու է բիզնես ոլորտի, մասնավորապես` հարկային, մաքսային, լիցենզիաների և թույլտվությունների, ազատ տնտեսական մրցակցության, հանրային գնումների և այլ ոլորտային խնդիրների և կոռուպցիոն ռիսկերի վերաբերյալ:
Սույն ծրագիրն իրականացվում է «Աջակցություն ՓՄՁ զարգացմանը Հայաստանում» ծրագրի շրջանակներում, որը համաֆինանսավորվում է Եվրոպական միության և Գերմանիայի դաշնային հանրապետության տնտեսական համագործակցության և զարգացման նախարարության կողմից: Այն իրականացվում է ԳՄՀԸ «Մասնավոր հատվածի զարգացումը Հարավային Կովկասում» ծրագրի շրջանակում: «Աջակցություն ՓՄՁ զարգացմանը Հայաստանում» ծրագիրը հանդիսանում է Եվրոպական միության «ԵՄ-ն՝ Բիզնեսի համար» և «ԵՄ-ն՝ Նորարարության համար» նախաձեռնությունների մաս:
Բովանդակության համար պատասխանատու է Կոնսորցիումը, և այն կարող է չարտահայտել ԳՄՀԸ, ԵՄ և Գերմանիայի դաշնային հանրապետության տնտեսական համագործակցության և զարգացման նախարարության տեսակետը: