Մենք հոգում ենք Ձեր անանունունության մասին
Մենք հոգում ենք Ձեր անանունունության մասին
2019 թ․ ապրիլի 17-18-ին «Արմենիա Մարիոթ» հյուրանոցի «Տիգրան Մեծ» սրահում անցկացվելու է «ՀՀ հակակոռուպցիոն ռազմավարությունը` միջազգային փորձի ներքո» խորագրով կառավարություն-քաղաքացիական հասարակություն փորձագիտական միջազգային համաժողովը։
Համաժողովը բաղկացած կլինի 6 մասերից՝ ՀՀ հակակոռուպցիոն ռազմավարության ներկայացում, հակակոռուպցիոն անկախ ինտիտուցիոնալ համակարգ, կոռուպցիայի դեմ պայքարում իրավապահ գործունեություն, կոռուպցիայի դեմ պայքարում իրավապահ և կանխարգելիչ գործունեություն, կոռուպցիայի դեմ պայքարում կանխարգելիչ գործունեություն, հակակոռուպցիոն կրթություն, պանելային միաժամանակյա քննարկումներ 3 խմբերում։
Համաժողովը կազմակերպվում է ՀՀ արդարադատության նախարարության, Իրավաբանների հայկական ասոցիացիայի և Հայաստանի ՔՀԿ-ների հակակոռուպցիոն կոալիցիայի կողմից Եվրոպական միության կողմից ֆինանսավորվող «Կառուցողական երկխոսության հանձնառություն» ծրագրի շրջանակներում և ՄԱԿ-ի Զարգացման Ծրագրի, ու Միջազգային մասնավոր ձեռնարկությունների կենտրոնի (CIPE) հետ համագործակցությամբ «Կոռուպցիայի դեմ պայքարի խթանում և բարեփոխումներ․ Հայաստան» ծրագրի շրջանակներում։
Միջոցառմանը ողջույնի խոսքով հանդես կգան ՀՀ արդարադատության նախարար Արտակ Զեյնալյանը, ՀՀ գլխավոր դատախազ Արթուր Դավթյանը, ՀՀ-ում Եվրոպական միության պատվիրակության ղեկավար, դեսպան Պյոտր Անտոնի Սվիտալսկին։
Բիզնես ոլորտում կոռուպցիոն ռիսկերի մասը կներառի պետական գնումների, հանքաարդյունաբերության ոլորտում կոռուպցիոն ռիսկերի, բիզնեսում բարեվարքության և մենաշնորդների դեմ պայքարերի խնդիրները և կներկայացվեն դրանց լուծման ամենավերջին տենդենցները ինչպիսիք են Իրական սեփականատերերի ինստիտուտը և Հակակոռուպցիոն համապատասխանության ծրագրերը և այլն։
Միջոցառման ընթացքում զեկուցումներ կհնչեն ճանաչված միջազգային և ազգային հակակոռուպցիոն փորձագետների կողմից։ Գրանցվել և համաժողովի օրակարգի և նկարագրի մասին տեղեկատվություն կարելի է ստանալ հետևյալ հղումով։
Հավելենք, որ սույն նյութը պատրաստվել է «Կոռուպցիայի դեմ պայքարի խթանում և բարեփոխումներ․ Հայաստան» ծրագրի շրջանակներում, որն իրականացվում է «Միջազգային մասնավոր ձեռնարկությունների կենտրոն» ՀԿ-ի, «Իրավաբանների հայկական ասոցիացիա» ՀԿ-ի, «Կորպորատիվ կառավարման կենտրոն» ՀԿ-ի և Երևանի առևտրաարդյունաբերական պալատի կողմից Ժողովրդավարության աջակցության ազգային հիմնադրամի ֆինանսական աջակցությամբ։ Սույն ծրագիրն իրականացվում է որպես համաֆինանսավորում «Կառուցողական երկխոսության հանձնառություն» ծրագրին, որն իրականացվում է «Իրավաբանների հայկական ասոցիացիա» ՀԿ-ի, Մարդկային զարգացման միջազգային կենտրոնի, Հայաստանի համայնքների միության, «Ժողովրդավարական կրթության հայկական կենտրոն-ՍԻՎԻՏԱՍ» ՀԿ-ի, «Փոքր և միջին ձեռնարկատիրության համագործակցության ասոցիացիա» ՀԿ-ի, ինչպես նաև «Ագորա Սենթրալ Յուրըփ» չեխական ՀԿ-ի համատեղ կոնսորցիումով Եվրոպական Միության ֆինանսական աջակցությամբ: Նյութի բովանդակության համար պատասխանատու է «Իրավաբանների հայկական ասոցիացիա» ՀԿ-ն և այն որևէ կերպ չի արտահայտում Ժողովրդավարության աջակցության ազգային հիմնադրամի և Եվրոպական միության պաշտոնական տեսակետը։