Մենք հոգում ենք Ձեր անանունունության մասին
Մենք հոգում ենք Ձեր անանունունության մասին
Ի՞նչ գործոններ կարող են կանխել կոռուպցիոն ռիսկի ծագումը: Այս հարցին պատասխանել են 188 կազմակերպություններ՝ 2018թ. սեպտեմբեր-դեկտեմբեր ամիսների ընթացքում «Կոռուպցիայի դեմ պայքում բիզնեսի դերը. հայաստանյան իրականություն» հետազոտության ընթացքում:
Հարցվածների ձայների համեմատաբար բարձր տոկոսներ բաժինն է ընկել բիզնես-գործընթացների վերահսկմանը (18%), սեփական կորպորատիվ մշակույթի ճանաչմանն ու կառավարմանը (15%), ռիսկերի կառավարմանը (14%): Մի կողմից հուսադրող է այն, որ հարցվածները հակակոռուպցիոն միջոցառումները դիտարկում են վերահսկման միջավայրի և կորպորատիվ մշակույթի ձևավորման համատեքստում, իսկ մյուս կողմից համեմատաբար ցածր է ուսուցումներին, ահազանգումներին բաժին ընկած ձայների քանակը:
Ինչպես հետևում է գծապատկերից, հարցման ժամանակ որպես կանխարգելիչ գործոններ դիտարկվել են ներքինները: Սակայն հարցվողներն իրենց պատասխաններում նշել են նաև արտաքին այնպիսի գործոններ, ինչպիսիք են՝
- հարկային արդարացի քաղաքականության իրականացումը,
- մենաշնորհների և պետական լծակներն անձնական շահերի համար ծառայեցնելու բացառումը,
-քաղաքականության և գործարարության համատեղելիության բացառումը:
Հավելենք, որ հարցումն անցկացվել է «Կոռուպցիայի դեմ պայքարի խթանում և բարեփոխումներ․ Հայաստան» ծրագրի շրջանակներում, որն իրականացվում է «Միջազգային մասնավոր ձեռնարկությունների կենտրոն» ՀԿ-ի, «Իրավաբանների հայկական ասոցիացիա» ՀԿ-ի, «Կորպորատիվ կառավարման կենտրոն» ՀԿ-ի և Երևանի առևտրաարդյունաբերական պալատի կողմից Ժողովրդավարության աջակցության ազգային հիմնադրամի ֆինանսական աջակցությամբ: